వెతుకుతూ ఉన్నా.....

చిల్లు పడిన లాంతరు వెలుగులు చీకటమ్మను తరుముతుంటే,
అజ్ఞాతంలో తమలొ దాగిన తమను చూస్తే భయం,
మబ్బులు కమ్మిన చంద్రుడు నిశీథినిలో మాసిపొతే,
గతంలో కూరుకుపోయిన తమను చూస్తే భయం,
చప్పబడిన నిన్నటి మాటలే మాత్లాడుతూ,
బూజుపట్టిన నిన్నటి కలల్నే తల్చుకుంటూ,
ధైర్యం లేని తమ స్వభావాన్ని ధర్మంలా భావిస్తూ ,
తోక తెగిన ఎలుకల్లా కలుగునుంచి బయటకురాని ఆ జీవాలకు
అందమైన అబద్ధాలే మోజేమో......

నేను మాత్రం కవిత్వమనే కుచ్చుటోపి తో ,
చీకటి నవ్విన వెలుతుర్లో ,
దారి మాటున మూగగా రోదిస్తున్న మోడుచెట్ల గోడు వింటూ,
కృత్రిమమైన మనసులు,మాటలు నిండిన ఈలోకంలో,
నిజాయితీగా పలికే నిండు గొంతుకై వెతుకుతూ ఉన్నా